El boıynsha eń kóp qylmys elordada jasalady

ASTANA. QazAqparat – Elorda ákimdiginde ótken «Qoǵammen seriktestikte qoǵamdyq qaýipsizdikti qamtamasyz etý» tujyrymdamasy aıasynda Astanadaǵy máseleler kartasyn tanystyrǵan Іshki ister mınıstri Marat Ahmetjanov eldegi krımenogendik ahýalǵa toqtaldy, dep habarlaıdy QazAqparat tilshisi.

«Jyl basynan beri jalpy qylmys 19%-ǵa azaıdy. Olardyń ishinde kisi óltirý - 51%, zorlaý - 37%, qaraqshylyq - 36%, tonaý - 16%, buzaqylyq - 47%, urlyq - 28% jáne kóshedegi qylmystar sany 12%-ǵa tómendedi. Bul rette elordada 10 myń adamǵa shaqqanda qylmys sany – 127. Bul eldegi eń joǵary kórsetkish. Onyń bir sebebi, úlken megapolıs bolýynda jatyr», - dep toqtaldy Marat Ahmetjanov.

Mınıstr keltirgen derekterge saı, qylmyskerlerdiń 80%-y jumyssyzdar. Olardyń basym bóliginde kásiptik nemese joǵary bilimi joq. Al jeke tulǵaǵa qarsy 50% quqyq buzýshylyq áreketterin mas kúıde jasaıdy.

Qosa ketsek, buǵan deıin mınıstr poltsııanyń jumysyn synǵa alatyn azamattarǵa qatysty pikir bildirgen bolatyn.