El boıynsha 225 polıtsııa obektisin salý qajet – mınıstrlik

ASTANA. QazAqparat – Qazirgi ýaqytta jumys istep turǵan ǵımarattardyń 50%-y HІH-HH ǵasyrlarda salynǵan, olardyń 30%-y qoldanystaǵy standarttarǵa saı kelmeıdi.

Bul «Ashyq» NQA portalynda jarııalanǵan Qoǵammen áriptestikte qoǵamdyq qaýipsizdikti qamtamasyz etýdiń 2024-2028 jyldarǵa arnalǵan tujyrymdamasynda jazylǵan, dep habarlaıdy QazAqparat tilshisi.

«Qylmysqa qarsy kúres jáne qoǵamdyq tártipti saqtaýdy qamtamasyz etý qyzmetiniń tıimdiligine materıaldyq-tehnıkalyq jaraqtandyrýdyń nashar deńgeıi keri áserin tıgizýde. Qazirgi ýaqytta jumys istep turǵan ǵımarattardyń 50%-y HІH-HH ǵasyrlarda salynǵan, tozyǵy jetken jáne jaramsyz kúıde. Onyń 30%-y qoldanystaǵy standarttarǵa sáıkes kelmeıdi.

Jalpy, respýblıka boıynsha 225 polıtsııa obektisin salý (onyń ishinde 6 oblystyq ishki ister departamenti, 84 - qalalyq jáne aýdandyq organdardyń ǵımaraty), sondaı-aq barlyq ǵımarattardy kúrdeli jóndeýden ótkizý qajet», - dep másele kóterilgen tujyrymdamada.

Vedomstvo dereginshe, 2015 jyldan beri Іshki ister mınıstrliginiń respýblıkalyq jáne jergilikti bıýdjet esebinen polıtsııa obektilerin salý jónindegi bastamalary qoldaý tappaı keledi.