El boıynsha Ulttyq dombyra kúnine oraı 200-den astam is-shara ótti

ASTANA. KAZINFORM - Mereke kúnderi Qazaqstannyń ár óńirinde Ulttyq dombyra kúnine arnalǵan túrli mádenı is-sharalar ótti.

QR Mádenıet jáne aqparat mınıstrligi baspasóz qyzmetiniń habarlaýynsha, jyl saıyn ulttyq aspapqa degen qyzyǵýshylyq artyp keledi.

Máselen, Aqmola oblysynda «Dombyra, júregimmen úndes ediń...» atty merekelik kontsert ótti.

Ońtústik astananyń qonaqtary men turǵyndary «Dombyra – asyl qazyna» kóshpeli kórmesin tamashalady. Kórmede Abaı Qunanbaev, Dına Nurpeıisova, Jambyl Jabaev, Mahambet Ótemisuly jáne t.b. kórnekti tulǵalar dombyrasynyń kóshirmeleri usynyldy.

Jambyl oblysynda «Naǵyz qazaq qazaq emes naǵyz qazaq – dombyra» atty mádenı is-sharalar men merekelik kontsertter ótti.

Qazaqstannyń shyǵysynda «Ánshi qala» baıqaýy bastalyp, taqyryptyq jármeńkeler uıymdastyryldy.

Mańǵystaý oblysynda «Kúmbirle, qońyr dombyra» gala-kontsert ótti, sondaı-aq mádenıet qaıratkerler qatysqan dóńgelek ústel ótti.

Qostanaı oblysynda da «Kúmbirle,qońyr dombyra» is-sharasy ótti. Sondaı-aq, oblys dombyrashylary arasynda mýzykalyq baıqaý uıymdastyryldy.

Aqtóbe oblysynda óskeleń urpaqqa «Dombyra – babalardan jetken mura» atty tanymdyq is-shara ótkizildi.

«Qazaǵymnyń dombyrasy kúı tartsa» is-sharasy aıasynda Shymkent jastary ulttyq mýzykalyq aspaptyń tarıhymen tanysty.