El boıynsha aýa raıyna baılanysty eskertý jarııalandy
ASTANA. KAZINFORM – Shymkentte, Túrkistan, Qyzylorda oblystarynda, Almaty oblysynyń soltústiginde, Jetisý oblysynyń soltústigi men shyǵysynda, Qaraǵandy oblysynyń ońtústiginde, Ulytaý jáne Abaı oblystarynda aýa temperatýrasy 40–44 °C deıin kóteriledi dep kútiledi.
Túrkistan, Qyzylorda, Atyraý oblystarynda, Shymkent qalasynda, sondaı-aq Almaty, Jetisý, Jambyl, Mańǵystaý, Batys Qazaqstan, Aqtóbe, Qostanaı, Aqmola, Qaraǵandy, Shyǵys Qazaqstan oblystary men Abaı oblysynyń jekelegen aýdandarynda tótenshe órt qaýpi saqtalady.
Birqatar óńirlerde jańbyr, naızaǵaı, burshaq jáne shkval kútiledi. Naızaǵaı kezinde jeldiń ekpini 15–20 m/s deıin jetýi múmkin.
Eske salsaq búgin qaı qalalarda aýa sapasynyń nasharlaıtyny belgili bolǵan edi.
