El boıynsha 285 mýzeı jumys isteıdi
ASTANA. KAZINFORM — 2026 jyldyń alǵashqy toqsanynda el mýzeılerin 820 myńnan astam adam tamashalady.
Qazaqstanda mýzeı mádenıetine qyzyǵýshylyq artyp keledi. 2026 jyldyń alǵashqy úsh aıynyń qorytyndysy boıynsha el mýzeılerin 822 791 adam tamashalaǵan.
Mundaı kórsetkishke mýzeı ınfraqurylymyn damytý, ekspozıtsııalardy jańartý jáne kópshilikke, ásirese jastar men týrısterge arnalǵan zamanaýı formattardy engizý jumystarynyń nátıjesinde qol jetkizildi.
Qazirgi ýaqytta respýblıka boıynsha 285 mýzeı jumys isteıdi. Olardyń qatarynda 5 respýblıkalyq mýzeı, 12 mýzeı-qoryq, 15 óńirlik tarıhı-ólketaný, 71 memorıaldyq jáne 16 kórkemóner mýzeıi, sondaı-aq qalalyq, aýdandyq jáne aýyldyq mýzeıler bar.
Sonymen qatar kórme jáne aǵartýshylyq baǵyttaǵy jumystar da qarqyn alyp keledi.
Jyl basynan beri 1219 kórme uıymdastyrylyp, jańa ekspozıtsııalar men taqyryptyq zaldar ashyldy, 4200-den astam mádenı-aǵartýshylyq is-shara ótkizildi. Olardyń qatarynda dárister, ekskýrsııalar, bilim berý baǵdarlamalary men ınteraktıvti jobalar bar.
Іri kórme jobalaryn júzege asyrý jáne halyqaralyq yntymaqtastyqty damytý jumystary da jalǵasýda. 2026 jyldyń I toqsanynda respýblıkalyq jáne halyqaralyq deńgeıde 28 mańyzdy joba iske asyryldy. Onyń ishinde el tarıhy men mádenıetiniń negizgi kezeńderin tanytatyn taqyryptyq, mereıtoılyq jáne kóshpeli kórmeler ótkizildi.
Qazaqstan mýzeıleri 26 halyqaralyq kórme, festıval jáne salalyq forýmdarǵa qatysyp, sheteldik áriptestermen birlesken jobalardy júzege asyrdy. Bul halyqaralyq baılanystardy keńeıtip, jańa kelisimderge jol ashty.
Aıta ketelik mýzeıler men kitaphanalar «ulttyq» mártebesin qalaı alatyny týraly jazǵan edik.