El boıynsha 10 249 referendým ýchaskesinde daýys berý bastaldy
ASTANA. KAZINFORM – Ortalyq referendým komıssııasy tóraǵasynyń orynbasary Konstantın Petrov eldiń barlyq óńirinde Qazaqstanda atom elektr stantsııasyn salý máselesi boıynsha jalpyulttyq referendým bastalǵanyn resmı málim etti.
«QR Ortalyq referendým komıssııasy oblystar men Astana, Almaty, Shymkent qalalarynyń komıssııalary usynǵan aqparatqa sáıkes, saǵat 7.00-degi jaǵdaı boıynsha óńirlerde 10 249 ýchaske daýys berýge kiriskenin habarlaıdy. 84 ýchaskede aýmaqtyq komıssııalardyń sheshimderine sáıkes, daýys berý tańǵy saǵat 6.00-de bastaldy», — dedi ol.
Aıtýynsha, azamattardyń tizimderinde 12 244 683 adam bar.
«Olardyń ishinde 10 623-i daýys berý quqyǵyn beretin esepten shyǵarý kýálikterin aldy. Barlyǵy 10 323 referendým ýchaskesi bar. Onyń ishinde shetelde 47 ýchaske bar. Bir saǵattan keıin shetelderdegi ýchaskelerdiń ashylýy týraly aqparat usynylady. Ortalyq referendým komıssııasy saǵat10.00-den bastap eki saǵat saıyn azamattardyń referendýmǵa qatysýy týraly habarlap otyrady», — dedi Konstantın Petrov.
Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys beredi.
Respýblıkalyq referendým bıýlleteninde bir ǵana saýal bolady: «Siz Qazaqstanda atom elektr stantsııasyn salýǵa kelisesiz be?» Daýys berýshi jaýaptyń eki nusqasynyń birin tańdaıdy: «Iá, kelisemin» nemese, «Joq, kelispeımin».
Ózderiniń konstıtýtsııalyq quqyǵyn Koreıa Respýblıkasyndaǵy Qazaqstan azamattary alǵashqylardyń biri bolyp júzege asyrdy.
1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.
