El bolashaǵy siz ben bizdiń tańdaýymyzǵa baılanysty - Sháripbek Jamalbekov

TÚRKІSTAN. QazAqparat - Búgin el Prezıdenti Qasym-Jomart Toqaev Qazaqstan halqyna úndeý jarııalady. Úndeýde memleket basshysy Qazaqstan Respýblıkasy Prezıdenttigine kezekten tys saılaý 2019 jyldyń 9 maýsymynda ótetinin aıtty. Osyǵan baılanysty Túrkistan oblystyq «Azamattyq alıans» tóraǵasy, oblystyq máslıhat depýtaty Sháripbek Jamalbekov pikir bildirdi, dep habarlaıdy QazAqparat.

Depýtat Prezıdenttiń bul bastamasyn el úshin mańyzdy qadam dep baǵalap otyr.

«Qasym-Jomart Toqaevtyń bıyl 9 maýsymda kezekten tys prezıdent saılaýyn ótkizýge baılanysty jarııalaǵan úndeýine qoldaý bildiremin. Qazaqstandy alda úlken ister kútip tur. Damyǵan 30 eldiń qataryna qosylý úshin aıanbaı eńbek etý kerek. Osy maqsattardy iske asyrý úshin aldymen memleket basshysyn saılap, aldaǵy bes jylda elimizdiń saıası-ekonomıkalyq baǵytyn kim júrgizetinin aıqyndap alýymyz kerek bolyp tur. Óıtkeni, Qazaqstanǵa búgingi tańda eń basty keregi - saıası-ekonomıkalyq turaqtylyq pen qoǵamdyq kelisim jáne beıbitshilik», - deıdi halyq qalaýlysy.

Sháripbek Jamalbekovtyń sózine sensek, bıliktiń aýysýy konstıtýtsııaǵa saı júzege asyryldy. Endi ata zań boıynsha jańa prezıdent saılanady. Bul rette tańdaýdy jasaıtyn - halyq.

«Sondyqtan mundaı aýqymdy da mańyzdy saıası sharaǵa el turǵyndary nemquraıly qaramaýy tıis. Óziniń azamattyq kózqarasyn bildirip, saılaýǵa qatysýy shart dep bilemin. Prezıdent Qasym-Jomart Toqaev Úndeýinde Qazaqstandy demokratııaly memleket, saılaýdyń ádil ótetinine kepildik beretinin, kezekten tys saılaý ótkizýge Elbasy da, Premer-mınıstr de, Parlament te, Konstıtýtsııalyq keńes te, saıası partııa jetekshileri de qarsy emestigin atap ótti. Sondyqtan elimizdiń árbir sanaly azamatyn aldaǵy saılaýǵa jaýapkershilikpen qaraýǵa shaqyramyn. Óıtkeni el bolashaǵy siz ben bizdiń tańdaýymyzǵa baılanysty», - deıdi oblystyq «Azamattyq alıans» tóraǵasy, oblystyq máslıhat depýtaty Sháripbek Jamalbekov.