El bolashaǵy úshin sheshim qabyldaýda halyqtyń pikiri mańyzdy - Jazıra Japparqul
ShYMKENT. KAZINFORM - Aýyr atletıkadan Olımpıada oıyndarynyń kúmis júldegeri Jazıra Japparqul №38 referendým ýchaskesinde daýys berdi.
QR Eńbek sińirgen sport sheberi elimizdegi asa mańyzdy sheshimder halyqtyń pikirin eskerip baryp qabyldanatynyn atap ótti.
- Búgin - elimiz úshin mańyzdy kún. El turǵyndary, jastar belsendilik tanytyp, óz tańdaýlaryn jasaýda. Mende óz tańdaýymdy jasap, daýys berdim. Qazirgi ýaqytta bizge eń keregi - eldiń birligi men yntymaǵy. Barshamyz osy qundylyqtarymyzdy saqtaı alsaq, alynbaıtyn qamal joq, - dedi J.Japparqul.
Shymkent qalasynda turǵyndar AES qurylysy jónindegi referendýmǵa belsendi túrde qatysyp jatyr. Daýys berýge kelgen azamattardyń kóńil-kúıi de kóterińki. Keıbir turǵyndar referdým ýchaskesine búkil otbasymen birge kelip, daýys berýde. Al, keıbiri áriptesterimen kelip óz tańdaýlaryn jasaýda. Solardyń biri – erkin kúresten QR «Halyqaralyq dárejedegi sport sheberi» Ermek Baıdýashov.
Talaı ret baıraqty básekede el namysyn qorǵaǵan sportshy óz tańdaýyn jasap, daýys berdi. Sondaı-aq, kópshilikti referendýmǵa belsendi qatysýǵa shaqyrdy.
