El birligi - eldiktiń bastaýy - E.Sydyqov
ASTANA. QazAqparat - Elbasy, Ult kóshbasshysy Nursultan Nazarbaevtyń Qazaqstan Prezıdenti saılaýyn ótkizý jónindegi sheshimin elimizdiń ǵylymı orta ókilderi de qoldaıdy. Lev Gýmılev atyndaǵy Eýrazııa ulttyq ýnıversıtetiniń oqytýshy-professorlyq quramy men stýdentteri «El birligi - eldiktiń bastaýy» atty ǵylymı-tájirıbelik konferentsııa aıasynda úndeý qabyldady.
Bul týraly L.N. Gýmılev atyndaǵy Eýrazııa ulttyq ýnıversıtetiniń rektory Erlan Sydyqov málim etti.
«Syrtqy syn-qaterlerge tótep berý úshin barlyq memlekettik organdar, ǵylymı uıymdar jáne barsha halyq qabyldanǵan josparlar men baǵdarlamalardy júzege asyrý jolynda toptasyp, kúsh biriktirýi kerek. Biz ǵylymı orta ókilderi men stýdentter qaýymy qabyldanǵan sheshimdi tolyq qoldaıtynymyzdy jarııa etemiz», - dedi ol.
E.Sydyqovtyń aıtýynsha, El Prezıdenti, Ult kóshbasshysynyń sheshimi halyqtyń múddesinen týyndap otyr. Sondyqtan ony júzege asyrý turaqty damý ústindegi ekonomıkasy kúshti memlekettiń mańyzdy qadamy bolady dep senemiz.
