El azamattarynyń ortasha aılyq jalaqysy 1 jylda 17,5 paıyzǵa ósti - Statıstıka
ASTANA. 15 aqpan. QazAqparat - 2010 jylǵy jeltoqsanda bir qyzmetkerdiń ortasha aılyq ataýly jalaqysy 97256 teńgeni qurap, ótken jyldyń sáıkes aımen salystyrǵanda 17,5, naqty kóriniste - 9,0 paıyzǵa ósti.
Bul aqparatty QR Statıstıka agenttiginiń baspasóz qyzmeti taratyp otyr.
«Salalyq qurylymda eń joǵary jalaqy burynǵydaı ken óndirý ónerkásibi jáne karerler qazýda 214,6 myń teńge (ortasha respýblıkalyq deńgeıden 2,2 esege asady), qarjy jáne saqtandyrý qyzmetinde - 201,0 myń teńge (2,1 ese), kásibı, ǵylymı jáne tehnıkalyq qyzmette - 196,5 myń teńge (2,0 ese) kóleminde saqtalýda. Eń tómengi jalaqy aýyl, orman jáne balyq sharýashylyǵyndaǵy qyzmetkerlerdiń enshisinde 40,2 myń teńgeni quraıdy. Bul respýblıkalyq kórsetkishten orta eseppen 58,6 paıyzǵa az», - delingen vedomstvo aqparatynda.
Agenttiktiń atap ótýinshe, óńirlik bóliniste eń joǵary jalaqy Mańǵystaý oblysynda 194,4 myń teńge kóleminde bolyp otyr. Bul ortasha respýblıkalyq kórsetkishten 2,0 esege artyq. Al osy kórsetkish Soltústik Qazaqstan oblysynda 59,7 myń teńgeni quraıdy jáne respýblıkalyq ortasha deńgeıden 38,6 paıyzǵa tómen.
