El azamattarynyń áleýmettik jaǵdaıy jaqsaryp keledi - Úkimet saǵaty
ASTANA. 4 naýryz. QazAqparat - El azamattarynyń áleýmettik jaǵdaıy jaqsaryp keledi. Búgin Májilistegi Úkimet saǵatynda baıandama jasaǵan Ekonomıka jáne bıýdjettik josparlaý mınıstri Erbolat Dosaev osylaı málim etti.
«Byltyr eldegi ınflıatsııa 6 paıyzdy qurady. Bul aldyńǵy jylǵy kezeńnen 1,4 paıyzǵa tómen. El azamattarynyń áleýmettik jaǵdaıy da jaqsaryp keledi. Byltyr halyqtyń naqty aqshalaı tabysy 6,8 paıyzǵa ósti, naqty jalaqy 6,9 paıyzǵa joǵarylady. Eńbek naryǵyndaǵy ahýal turaqtanǵan. Jumyssyzdyq deńgeıi ótken jylǵy jeltoqsanda 5,3 paıyz deńgeıinde boldy, deıdi Erbolat Dosaev. Degenmen, álemdik ekonomıkadaǵy jaǵdaıǵa júrgizilgen taldaý birqatar problemalardyń eńserilýine qaramastan, kez kelgen ýaqytta nasharlaýy múmkin táýekelderdiń saqtalyp otyrǵanyn kórsetken.
«Qazirgi ýaqytta álemdik ekonomıkanyń damý úrdisin aıqyndaıtyn basty faktor - Eýroaımaqtaǵy daǵdarys, AQSh taǵy fıskaldy problemalar jáne Qytaı ósiminiń baıaýlaýy bolyp otyr», - deıdi mınıstr.
