El azamattarynyń jeke derekteri saqtalatyn ıAndeks serverleri qalypty jumys istep tur – mınıstrlik
ASTANA. KAZINFORM — Qazaqstandyq paıdalanýshylardyń derbes derekterin saqtaıtyn «ıAndeks» serverleri el aýmaǵynda ornalasqan jáne qalypty rejımde jumys istep tur. Bul týraly Jasandy ıntellekt jáne tsıfrlyq damý mınıstrligi málimdedi.
Mınıstrliktiń habarlaýynsha, «ıAndeks» servısterindegi aqaýlar tsıfrlyq platformalardyń turaqty jumysyna qatysty suraqtar týǵyzǵan. Alaıda paıdalanýshylardyń derbes derekterin saqtaıtyn serverlerdiń Qazaqstanda ornalasýy platformanyń barlyq komponenti el aýmaǵynda jumys isteıdi degendi bildirmeıdi.
Atap aıtqanda, taksı jáne jetkizý qyzmetteriniń jumysyna qajetti keıbir komponentter Qazaqstannan tys jerde ornalasqan.
— Paıdalanýshylar úshin servısterdiń úzilissiz jumys isteýi birinshi kezekte mańyzdy. Sondyqtan derekterdi Qazaqstan aýmaǵynda ornalastyrý jáne tsıfrlyq platformalardyń turaqty jumysyn qamtamasyz etý — keshendi sheshýdi talap etetin eki bólek mindet, — delingen habarlamada.
Qazirgi ýaqytta «ıAndeks» servısterdiń jumysyn qalpyna keltirý sharalaryn júrgizip jatyr.
Sonymen qatar júkteme artqan jaǵdaıda da taksı jáne jetkizý qyzmetterin usynatyn basqa platformalardyń turaqty jumys isteýin qamtamasyz etý baǵytynda jumys júrgizilip jatyr.
Buǵan deıin Reseıde birqatar servıstiń jumysy jappaı isten shyqqan edi.
Sondaı-aq buǵan deıin Yandex Go Kazakhstan servıster jumysyndaǵy aqaýlarǵa qatysty túsinik bergen edi.
Kompanııanyń baspasóz qyzmeti keıbir servısterde aqaý bar ekenin rastady. Qazir mamandar olardyń jumysyn qalpyna keltirýge kúsh salyp jatyr. Alaıda qyzmetterdiń qashan tolyq iske qosylatyny ázirge belgisiz.
ıAndeks ókilderiniń túsindirýinshe, kúrdeli tsıfrlyq servısterdiń jumysy ártúrli elderde ornalasqan serverlerge táýeldi. Sondyqtan bir serverdegi aqaý basqa elderdegi qyzmetterdiń jumysyna da áser etýi múmkin.
