El aımaqtarynda úleskerlerdiń máselesi nazardan tys qalyp otyr - Májilis depýtaty
ASTANA. 24 qańtar. QazAqparat /Aıdar Ospanalıev/ - Búgin Májiliste ótken Úkimet saǵatynda depýtat Gúlnár Seıitmaǵambetova ózin elimizdiń aımaqtaryndaǵy úleskerlerdiń máselesi alańdatyp otyrǵandyǵyn bildirdi.
Depýtattyń aıtýynsha, ádette úleskerler týraly másele qozǵalǵanda, kóbine tek Astana men Almaty qalalaryndaǵy jaǵdaı talqyla salynady. Al elimizdiń qalǵan aımaqtaryndaǵy salynyp jatqan qurylystaǵy úleskerlerdiń máseleleri kóbine nazardan tys qalyp otyr. «Depýtattar bul týraly ylǵı da másele kóteredi. Biraq áli kúnge deıin ózekti kúıinde qalyp otyr. «Sonymen qatar halyqty turǵyn úımen qamtamasyz etý kúnnen kúnge kúrdelenip barady. Biz aımaqtarǵa saparmen baryp, onda qoǵamdyq qabyldaý ótkizgen kezde aryzdanýshylardyń basym kópshiligi ózderin turǵyn úı máselesi tolǵandyratyndyqtaryn aıtyp keledi. Sondyqtan halyqtyń ál-aýqatyn jaqsartamyz desek, eń birinshi osy turǵyn úı máselesin sheshý kerek. Azamattardyń turǵyn úı alý sharalaryn barynsha jeńildetken jón»,-deıdi halyq qalaýlysy.
