El aımaqtarynda 7 er adam ajalyn sýdan tapty
ASTANA. 14 shilde. QazAqparat - El aımaqtarynda 7 er adam ajalyn sýdan tapty. Bul týraly QR TJM baspasóz qyzmetinen habarlandy.
Almaty oblysynyń Túrgen shatqalynda 20 jasar jigit shomylý kezinde sýǵa ketti. Onyń máıitin QR TJM Almaty oblysy TJD-niń sýdan qutqarý qyzmetimen ( barlyǵy 6 adam men 2 tehnıka birligi) birlese QR TJM «ROSO» MM kúshteri alyp shyqty.
Qapshaǵaı qalasyndaǵy Sulýsaı demalys ornynda saǵat 15:30-da 23 jasar jas jigit bógenge shomylý kezinde sýǵa ketip qaldy. Onyń denesin QR TJM Almaty oblysy TJD sýdan qutqarý qyzmetiniń kúshteri izdestirýde.
Tekeli qalasynda saǵat 22:05-te qalalyq basseınde jas jigit sýǵa batyp ketti. Atalǵan oqıǵaǵa kýá bolǵandar máıitti sýdan alyp shyqty.
Temirtaý qalasyndaǵy Nura ózenine shomylǵan 35 jastaǵy er azamat sýǵa ketti. Onyń denesin QR TJM Qaraǵandy oblysy TJD sýdan qutqarý qyzmetiniń kúshteri alyp shyqty. Oǵan 4 adam men 1 tehnıka birligi jumyldyryldy.
Shyǵys Qazaqstan oblysynyń Qamysty aýylynda 23 jasar jas jigit malyn Úbi ózeninen ótkizem dep, ajalyn sýdan tapty. Deneni kelesi kúni ІІAB-men birlese (5 adam men 1 tehnıka birligi) QR TJM Shyǵys Qazaqstan oblysy TJD órt sóndrý qyzmetiniń kúshteri alyp shyqty.
Zaısan qalasynda saǵat 17:50-de Jemeneı ózenine shomylǵan 44 jastaǵy er azamat ta ajal qushty. Onyń máıitin QR TJM Shyǵys Qazaqstan oblysy TJD sýdan qutqarý qyzmetiniń kúshteri (4 adam men 1 tehnıka birlig) 22:30-da taýyp, sýdan alyp shyqty.
Soltústik Qazaqstan oblysy Komsomol aýylynda 39 jastaǵy er adam shomylý kezinde qazanshuńqyrǵa tap bolyp, batyp ketti. Onyń máıitin ІІAB-men birlese QR TJM Soltústik Qazaqstan oblysy TJD Tımırıazev aýdanynyń TJB kúshteri (3 adam men 1 tehnıka birligi) alyp shyqty.
