El aýmaqtaryndaǵy jol apattarynan 4 adam qaza taýyp, 8 adam aýrýhanaǵa tústi - TJM
ASTANA. Jeltoqsannyń 9-y. QazAqparat - Ótken táýlikte respýblıka avtojoldarynda bolǵan 3 jol-kólik oqıǵasynyń saldarynan 4 adam mert bolyp, taǵy 8 adam túrli dene jaraqattaryn aldy,
dep habarlaıdy QazAqparat QR TJM-ǵa silteme jasap.
Almaty oblysy Qorǵas-Jarkent jáne Almaty-Bishkek avtojoldarynda «Aýdı» men «DAF» avtokólikteriniń jáne «Mazda» men «ÝAZ» kólikteriniń qatysýymen bolǵan jol-kólik oqıǵalarynda eki adam sol orynda mert bolyp, 6 adam aýrahanaǵa jetkizildi. Olardyń arasynda 5 jáne 2 jastaǵy eki bala bar.
Sondaı-aq Ońtústik Qazaqstan oblysy Ushqyn-Alpamys avtojolynda «Nıva» jáne «VAZ» kólikteri soqtyǵysyp, ekinshi kóliktiń júrgizýshisi men onyń jolaýshysy oqıǵa ornynda kóz jumdy. «Nıvanyń» júrgizýshisi men «VAZ-dyń» taǵy bir jolaýshysy aýrýhanaǵa jetkizildi.
