El aýmaqtarynda qarjy «pıramıdasy» qaǵıdattary boıynsha jumys isteıtin alaıaqtyq uıymdar belsendilik tanytýda - Prokýratýra
ASTANA. 7 shilde. QazAqparat - Sońǵy kezderi Respýblıka aýmaǵynda qarjy «pıramıdasy» qaǵıdattary boıynsha jumys isteıtin alaıaqtyq uıymdar belsendilik tanytýda,
dep habarlaıdy Astana qalasy prokýratýrasynyń baspasóz qyzmeti.
Іshki ister organdary Kókshetaý jáne Petropavl qalalarynda 100 myń teńge mólsherinde tólem salǵan árbir azamatqa qysqa merzim ishinde tórt ese tabys tabýdy usynǵan «KazRosInvestproekt» shaǵyn nesıelik uıym» JShS-i qyzmetiniń jolyn kesti.
Qazirgi ýaqytta, ishki ister organdary atalǵan uıym basshylarynyń ústinen alaıaqtyq belgilerine baılanysty qylmystyq is qozǵap, kompanııanyń qyzmetine tekserý júrgizýde.
Sonymen birge qolda bar aqparatqa sáıkes, dál osyndaı uıymdar respýblıkanyń basqa da aımaqtarynda, onyń ishinde Astanada da áreket etýde.
Zańdylyqty qamtamasyz etý jáne azamattardyń quqyqtary men múliktik múddelerin qorǵaý maqsatynda, Astana qalasynyń prokýratýrasy elorda turǵyndary men qonaqtaryn astana aýmaǵynda uqsas alaıaqtyq áreketterdiń bolýy múmkin ekendigin eskertedi.
Osyǵan baılanysty, qarjy «pıramıdasynyń» belgileri bar qandaı da bir zańǵa qaıshy áreketter týraly quqyq qorǵaý organdaryna habarlasýlaryńyzdy suraımyz.
