El aýmaqtarynda 12 iri zaýyt boı kótermek

ASTANA. QazAqparat - Aǵymdaǵy jyly Qazaqstan damý banki 12 iri jobany qarjylandyrýdy josparlap otyr.

Sonyń ishinde jańa óndiris oryndary da bar, dep xabarlaıdy QazAqparat tilshisi.

Bank tóraǵasy Bolat Jámishevtiń aıtýynsha, bıylǵy jobalardyń jalpy somasy 760 mlrd. teńgeni quraıdy. Búginde zaım alatyndar 312 mlrd. teńgege tapsyrys berip otyr. Atalǵan jobalar mashına jasaý, xımııa ónerkásibi, munaı xımııasy, metallýrgııa, qurylys materıaldaryn shyǵarý jáne basqa da saladardy qamtıdy. "Aǵymdaǵy jyly ındýstrıaldy-ınnovatsııalyq damý baǵdarlamasyna kiretin 12 iri joba boıynsha naqty sheshimder shyǵarylady dep oılaımyz. Qazirgi kezde ol jobalardyń qujattary banktiń qaraýynda jatyr", - deıdi Jámishev.

Atalǵan 12 jobanyń ishinde transformatorlardy óndirý (Shymkent), turmystyq xımııa (Almaty), kaltsıı qosylǵan sodany shyǵarý (Qyzylorda oblysy), maılaý materıaldaryn óndirý (Ońtústik Qazaqstan oblysy), tereftalat qyshqyly men polıetılen shyǵarý (Atyraý oblysy), jylyna 100 myń tonna sapaly úgitý materıaldarynyń óndirisi (Batys Qazaqstan oblysy), kondıterlik ónimder (Qaraǵandy), qant óndirisi (Soltústik Qazaqstan oblysy), astyqty túbegeıli óńdeý (Almaty oblysy), elektromexnıkalyq zaýyt (Almaty) pen maı ekstraktsııalyq zaýytynyń (Qostanaı oblysy) qurylysy bar. Budan bólek, Shymkent qalasyndaǵy munaı-óńdeý zaýytynyń qaıta qurý men jańartý jumystary josparlanǵan.

Aıta keteıik, búgingi baspasóz máslıxatynda Bolat Jámishev devalvatsııaǵa qatystyóz boljamyn jarııalady .

Sondaı-aq Qyzylorda qalasyndaǵy shyny zaýytynyń qurylysy jaıynda aıtyp berdi .

Shara sońynda bank basshysy olıgarxtarǵa qatysty tilshiler suraǵyna jaýap berdi.