El aýmaǵyndaǵy eldi mekenderdi sý basý jaǵdaıy tirkelgen joq – TJK

Búgin saǵat 3:10-da Kókshetaýda qardyń tez erýi jáne egistikterden erigen qar sýynyń kelýi saldarynan Qylshaqty ózeninde sý deńgeıi kóterildi. Tańǵy saǵat 06.00-de sýdyń deńgeıi 2.50 m qurady, synı belgi 3.20 m . Sonymen qatar Ashımov kóshesi boıyndaǵy avtomobıl kópiri arqyly sý júrdi. Turǵyn úılerdi sý basý qaýpi týyndady.

Osyǵan baılanysty, sý basýǵa jol bermeý boıynsha jedel sharalar qabyldandy. Inertti materıaldar tóseý arqyly jaǵa bekitý jumystary júrgizildi. Kókshetaýda jaǵdaı turaqtandy. Saǵat 12.00-ge ózendegi sýdyń deńgeıi 2m 30 sm tómendedi.

Saǵat 18.00-degi jaǵdaı boıynsha ózen arnasyndaǵy sýdyń deńgeıi 1,3 metrdi qurady, avtomobıl kópiri arqyly sý júrý joıyldy.

Oqıǵa ornynda oblystyq TJD, Polıtsııa departamentiniń, jergilikti atqarýshy organdarynyń, JPÝ kúshteri men quraldarynan 55 adam, 18 birlik tehnıka jumyldyryldy.

Jaǵdaı baqylaýda.

Shyǵys Qazaqstan oblysynyń 10 aýdany aýmaǵynda aerovızýaldy tekserý boıynsha ushý jasaldy. Nátıjeleri boıynsha oblystyń tekserilgen aýmaqtarynda qar erý úrdisi baıqalmaıtyny anyqtaldy. Shaǵyn ózenderde muz qubylystarynyń álsireýi, jıi shuńqyrlar jáne eldi mekenderdi sý basý jáne muzǵa shyqpastan ózen ýchaskelerin ashý baıqalady. Kózben sholý kezinde joǵary qar qory baıqalady.

Qaraǵandy oblysyndaǵy Shet aýdanynda ushý jasaldy. Aerovızýaldy tekserý qorytyndysy boıynsha, onyń ishinde Sherýbaı-Nura, Jaman-Sarysý ózenderi basseınderinde qar qorynyń jetkilikti kólemi baıqalady. Qardyń qarqyndy erý protsesteri baıqalmaıdy, ózen arnalarynda turaqty muz qatý anyqtaldy.

Elek, Oıyl, Embi, Úlken Qobda, Qarǵaly, Qosistek (Aqtóbe obl.), Esil (Aqmola obl. jáne SQO), Oral, Shaǵan, Elek, Shyńǵyrlaý, Kýperanqaty, Ólenti, Shiderti, Bykovka, Derkól, Chıja-1, Chıja-2 (BQO), Ertis (Pavlodar obl.) ózenderinde muzdyń álsireý úrdisi jalǵasýda.

Ózenderdiń keptelýin boldyrmaý maqsatynda muz qopsytý boıynsha jumystar júrgizilýde. Respýblıka boıynsha Aqmola, Shyǵys Qazaqstan, Qaraǵandy jáne Qostanaı oblystarynda 8 tonna jarylǵysh zattardy paıdalaný arqyly 90-ǵa jýyq jarý júzege asyryldy.

Elimizdiń óńirlerinde azamattyq qorǵaý organdary sý tasqynyna qarsy is-sharalardy jalǵastyrýda. Búgingi kúni 165 shaqyrym qorǵaý bógetterin salý jáne jóndeý, 407 shaqyrym sý tasqyny qaýpi bar ózenderdiń arnalaryn bekitý, túbin tereńdetý jáne túzetý, 156 shaqyrym sý burý arnalaryn ornatý boıynsha jumystar júrgizildi.

11 myń shaqyrym aryqtar men arnalardy tazalaý jumystary júrgizildi. 13 mıllıon tekshe metr qar shyǵaryldy. Avtomobıl joldarynda 17 myń shaqyrym sý ótkizý qurylystary, 4 500 shaqyrym temirjol joldary tazartyldy.

Aqmola (Astana, Sileti jáne Shaǵalaly sý qoımalarynda), Qaraǵandy (Samarqand, Yntymaq, Sherýbaı-Nura sý qoımalarynda), Soltústik Qazaqstan (Sergeev jáne Petropavl sý torabynda) oblystarynyń sý qoımalarynda qajetti bos kólemderdi qurý jalǵasýda.

Jekelegen óńirlerde sý tasqyny jaǵdaıy yqtımal shıelenisken jaǵdaıda qosymsha kóshirý úshin azamattyq qorǵaýdyń qutqarý bólimsheleriniń kúshteri men quraldarynyń rezervti toptary daıyndaldy.