El aýmaǵyndaǵy aptap ystyq 10 shilde kúni de saqtalady
ASTANA. QazAqparat - Atmosferalyq fronttardyń ótýine baılanysty 10 shilde kúni jekelegen óńirlerde jańbyr jaýyp, naızaǵaı oınaıdy, kúndiz burshaq bolýy múmkin. Ońtústikte túnde jáne tańerteń daýyl turady. Tek respýblıkanyń batysynda, ońtústik-batysynda jáne shyǵys bóliginde aýa raıy jaýyn-shashynsyz bolady. Qazaqstannyń keı aımaqtarynda jel kúsheıip, túnde jáne tańerteń tuman túsýi yqtımal, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Soltústik Qazaqstan oblysynyń keı jerlerinde jel 15-20 m/s artyp, kúndiz burshaq jaýýy múmkin. Túnde jáne tańerteń jekelegen aýmaqtarda tuman kútiledi.
Aqmola oblysynda kúndiz keı jerlerde burshaq jaýýy yqtımal, jeldiń jyldamdyǵy 15-20 m/s quraıdy. Túnde jáne tańerteń tuman kútiledi.
Qyzylorda oblysynda túnde jáne tańerteń daýyl kóterilip, 15-20 m/s ekpinde jel soǵady.
Qostanaı oblysynda 15-20 m/s jyldamdyqta jel turady, kúndiz burshaq jaýýy múmkin.
Jambyl oblysynyń keı jerlerinde kúndiz jeldiń ekpini 15-20 m/s jetedi.
Sondaı-aq Almaty, Jambyl, Qaraǵandy oblystarynda qatty ystyq kútiledi, keı jerlerinde óte qatty ystyq saqtalady.
Mańǵystaý, Qyzylorda, Túrkistan, Atyraý, Aqtóbe oblystarynyń basym bóliginde, keı jerlerde Shyǵys Qazaqstan, Aqmola, Qostanaı oblystarynda qatty ystyq bolady.
Sonymen qatar Mańǵystaý oblysynda, Qyzylorda oblysynyń basym bóliginde, Atyraý, Batys Qazaqstan, Aqtóbe, Túrkistan oblystarynyń keı jerlerinde joǵary órt qaýpi saqtalady.
