El aýmaǵynda jyl basynan 1 tonnadan astam esirtki tárkilendi, onyń 46,9 kelisi - geroın
ASTANA. 28 naýryz. QazAqparat Almaty qalasynda 2 jasyryn oıyn zaly anyqtalyp, 51 apparat joıyldy.
Bul týraly búgin QR ІІM Til saıasaty jáne aqparat departamentiniń bastyǵy Nurdildá Oraz málim etti.
"Jyl basynan beri respýblıkada 1082 esirtki qylmysy anyqtaldy, onyń ishinde 698-i satý, al 10-y kontrabanda faktisi. Jalpy bir tonnadan asa esirtki, onyń ishinde 46,9 keli geroın tárkilendi», - dedi ol.
Máselen, resmı ókildiń aıtýynsha, Astanaǵa kire beristegi «Qyzyl Jar» beketinde «Toıota-Prevııa» avtomashınasy toqtatylǵan. Kólikti tekserý barysynda salonda otyrǵan Qaraǵandy oblysynyń 36 jastaǵy jolaýshysynyń sómkesinen 11 kelige jýyq (10 keli 989 gramm) gashısh tabylyp, alynǵan.
Onyń aıtýynsha, esirtkini Qaraǵandy qalasynda satyp alyp, Astanada satpaqshy bolǵan.
«Qazirgi ýaqytta esirtki zatyn satyp alý jáne jetkizý arnasyn anyqtaý boıynsha jedel izdestirý jáne arnaıy is-sharalar kesheni uıymdastyryldy», - dedi N.Oraz.
