El aýmaǵynda «Jolda qabyldaý» aktsııasy ótedi
NUR-SULTAN. QazAqparat - 5-6 sáýir kúni elimizdiń barlyq óńirlerinde ishki ister organdarynyń basshylyq qyzmetkerleri «Jolda qabyldaý» aktsııasy aıasynda azamattardy qabyldaıdy. Bul jaıynda QR Іshki ister mınıstrliginiń baspasóz qyzmetinen málim etti, dep habarlaıdy QazAqparat tilshisi.
«Halyqpen keri baılanysty jáne polıtsııa bólimsheleri basshylarynyń elimizdiń búkil óńirleriniń azamattarymen jeke kezdesýin qamtamasyz etý úshin 5-6 sáýir kúnderi Іshki ister mınıstri Erlan Turǵymbaevtyń tapsyrmasymen «Jolda qabyldaý» aktsııasy ótkiziletin bolady. Elimizdiń búkil óńirinde, qalalary men aýdan ortalyqtarynda polıtsııa departamentteriniń ákimshilik polıtsııanyń, jergilik jáne kóshi-qon qyzmetteriniń basshylary azamattardy qabyldaıdy», - delingen taratylǵan aqparatta.
Vedomstvo málimetinshe, búkil respýblıkada azamattardy qabyldaýǵa arnalǵan shamamen 250 utqyr beket jumys isteıtin bolady. «Jolda qabyldaý» aktsııasy ótetin oryndar men azamattardy qabyldaýǵa arnalǵan utqyr beketterdiń qaı qalada jáne qaı jerde ornalasqanyn Іshki ister mınıstrliginiń portalynan sonymen qatar polıtsııa departamentteriniń portaldarynan, áleýmettik jelidegi paraqshalarynan bilýge bolady.
