El aýmaǵynda taratylatyn BAQ monıtorıngin esepteý normalary jetildirildi

NUR-SULTAN. QazAqparat - 2019 jylǵy 5 tamyzda QR Aqparat jáne qoǵamdyq damý mınıstrligi «Qazaqstan Respýblıkasynyń aýmaǵynda taratylatyn buqaralyq aqparat quraldarynyń monıtorıngin júrgizý qaǵıdalaryn jáne ony esepteý ádistemesin bekitý týraly» QR Aqparat jáne qoǵamdyq damý mınıstriniń 2019 jylǵy 29 sáýirdegi № 84 buıryǵyna ózgerister engizý týraly» № 263 buıryǵy qabyldandy jáne QR Ádilet mınıstrligine memlekettik tirkeýge joldandy, dep habarlaıdy QazAqparat atalmysh vedomostvonyń baspasóz qyzmetine silteme jasap.

Buıryq Qazaqstan Respýblıkasynyń aýmaǵynda taratylatyn buqaralyq aqparat quraldarynyń monıtorıngin esepteý ádistemesiniń normalaryn jetildirý maqsatynda ázirlendi, atap aıtqanda buıryqpen mynadaı túzetýler kózdelgen:

1) tájirıbede tek jeti kúntizbelik kúnniń qorytyndysy boıynsha ǵana emes, kún, aı, jartyjyldyq, jyl qorytyndylary boıynsha da aqparattyq-taldamalyq baǵdarlamalardyń bar bolýyna baılanysty «Aqparattyq-taldamalyq telebaǵdarlama» uǵymynyń anyqtamasy «belgili bir ýaqyt aralyǵynda» sózdermen tolyqtyrylady.

2) monıtorıng obektisi naqtylanady, ıaǵnı tele -radıobaǵdarlamalarda taratylatyn mýzykalyq týyndylar «Teleradıo habarlaryn taratý týraly» Zańnyń 10-babynyń 2-tarmaǵynda belgilengen zańnamanyń talaptaryn saqtaý mánine monıtorıngte eskerilmeıdi.

3) Buqaralyq aqparat quraldaryna monıtorıng júrgizýdi esepteý ádistemesiniń 35-tarmaǵynyń redaktsııasy «Teleradıo habarlaryn taratý týraly» Zańnyń 30-babynyń 1-tarmaǵyna sáıkes keltiriledi.

Óz kezeginde memlekettik tirkeý júrgizilgennen keıin (kúshine engennen keıin) № 263-buıryq Qazaqstan Respýblıkasy normatıvtik quqyqtyq aktileriniń etalondyq baqylaý bankine resmı jarııalaýǵa jiberiletin bolady.

Sondaı-aq, № 263-buıryq alǵashqy resmı jarııalanǵan kúnnen keıin qoldanysqa engiziledi.