El aýmaǵynda oryn alǵan jol apattarynan 2 adam qaza tapty
ASTANA. Qańtardyń 18-i. QazAqparat - Keshe elimizde 2 jol-kólik apaty oryn alyp, onyń saldarynan eki adam qaza tapsa, taǵy 2 azamat aýrýhanaǵa jetkizildi.
Bul aqparatty elimizdiń Tótenshe jaǵdaılar mınıstrliginiń baspasóz qyzmeti taratyp otyr.
Almaty oblysynyń Eńbekshiqazaq aýdanyna qarasty Almaty-Kókpek-Kóktal avtojolynyń 36-shi shaqyrymynda «BMV» kóligi jol jıegindegi aǵashqa soǵylǵan. Jol-kólik apaty saldarynan 25 jastaǵy jolaýshy oqıǵa ornynda mert bolsa, júrgizýshi men onyń taǵy bir jolaýshysy aýrýhanaǵa jetkizilgen.
«Qaraǵandy oblysynyń Jańaarqa aýdanyna qarasty Qyzylorda-Pavlodar avtojolynyń 733-shi shaqyrymynda «Mazda» kóligi men «Setra» avtobýsy soqtyǵysyp qaldy. Jol-kólik apatynyń saldarynan «Mazda» kóliginiń jolaýshysy oqıǵa ornynda qaza tapty», delingen vedomstvo habarlamasynda.
