El aýmaǵynda izdeýde bolǵan birneshe qylmysker ustaldy - ІІM
ASTANA. QazAqparat - El aýmaǵynda izdeýde bolǵan birneshe qylmysker ustaldy. Bul týraly QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat.
«Astana qalalyq ІІD krımınaldyq polıtsııa qyzmetkerleriniń jedel izdeý sharalarynyń barysynda 2015 jyly elorda aýmaǵynda kisi óltirdi degen kúdikpen 4 adam ustaldy», - dedi ol.
Onyń aıtýynsha, kúdiktilerden qylmys jasalǵan tapansha tabylyp, tárkilengen.
«Almaty oblystyq ІІD jedel ýákilderi osy jyldyń 10 sáýirinde Taldyqorǵan qalasynda jeke kásipkerge shabýyl jasap iri kólemde aqsha qarajaty men «Toyota Camry 50» kóligin ıelengen jergilikti úsh turǵyndy ustady. Sonymen qatar Almaty qalalyq ІІD jedel ýákilderi Úsharal qalasynyń turǵynyn ustady. Oǵan Almaty qalasynda qaraqshylyq shabýyl jasaǵan degen kúdik keltirilýde», - dedi Almas Sadýbaev.
