El aýmaǵynda esirtki satýdy nasıhattaıtyn segiz saıt jabyldy
Oral qalasy prokýratýrasy ınternet kózderine monıtorıng júrgizý barysynda esirtki quraldary men psıhotroptyq zattardy jarnamalap, nasıhattaıtyn segiz saıtty anyqtady.
BQO prokýratýrasynyń baspasóz qyzmetinen túsken málimetke qaraǵanda, bul «Buqaralyq aqparat quraldary týraly» QR Zańy 2-babynyń talaptaryna qaıshy keledi.
Saıttardaǵy aqparattyń el aýmaǵynda jarııalanýy zańsyz bolǵandyqtan jáne olardy jabý úshin zańsyz dep taný týraly sotqa talap aryz berildi.
QR Azamattyq protsestik kodeksiniń 54-baby 3-tarmaǵyna sáıkes prokýror azamattardyń quqyqtaryn, bostandyqtary men zańdy múddelerin, zańdy tulǵalardyń quqyqtary men zańdy múddelerin, qoǵamdyq nemese memlekettik múddelerdi qorǵaý týraly talap qoıýmen, aryzben sotqa júginýge quqyly.
Qala prokýrorynyń aryzy qanaǵattandyrylyp, Oral qalasy №2 sotynyń sheshimimen atalmysh saıttar zańsyz dep tanyldy.
Sheshimniń oryndalýy QR Ádilet, Aqparat jáne qoǵamdyq damý mınıstrlikterine júkteldi.
Sot aktisi zańdy kúshine engen joq.
