El aýmaǵynda bolǵan órtter saldarynan er adam men áıel kóz jumdy - QR TJM
ASTANA. 18 qazan. QazAqparat - Ótken táýlikte órtterdiń saldarynan er adam men áıel qaza boldy, dep habarlady TJM-niń baspasóz qyzmetinen.
Búgin Qapshaǵaı qalasynyń Naýryz kóshesinde ornalasqan 8 páterli turǵyn úıden órt shyqty. Jalyn tili 30 sharshy metr aýmaqqa tarady. TJ ornynda 37 jastaǵy áıeldiń jansyz denesi tabyldy.
Tilsiz jaýmen kúreske QR TJM Almaty oblystyq TJD órt sóndirý qyzmetiniń 5 adamy men 2 tehnıkasy jumyldyryldy.
Sondaı-q búgin qutqarýshylar Sátpaev qalasynyń mańyndaǵy kentte 4 páterli turǵyn úıden shyqqan órtti sóndirýmen aınalysty. Jalyn 10 sharshy metr jerdi sharpydy. Oqıǵa ornynda 33 jastaǵy er adamnyń múrdesi tabyldy.
Órtpen kúreske QR TJM Qaraǵandy oblystyq TJD órt sóndirý qyzmetiniń 17 adamy men 4 tehnıkasy jumyldyryldy.
