El aýmaǵynda adam saýdasyna qatysty qylmystardy anyqtaý jáne jolyn kesý maqsatynda sheshendi sharalar júrgizilýde - ІІM
ASTANA. 6 sáýir. QazAqparat - El aýmaǵynda adam saýdasyna qatysty qylmystardy anyqtaý jáne jolyn kesý maqsatynda sheshendi sharalar júrgizilýde, dep habarlady QR Іshki ister mınıstrliginiń baspasóz qyzmetinen.
Máselen, vedomstvonyń atap ótýinshe, Oral qalasynda krımınaldyq polıtsııa qyzmetkerleriniń arnaıy júrgizgen is-sharalary barysynda buryn sottalǵan 31 jastaǵy jeńgetaı qolǵa tústi. Ol ótken jyly maýsymda Batys Qazaqstan oblysynyń Aqsaı qalasynda balalar úıiniń 20 jastaǵy burynǵy tárbıelenýshisin kelesi bir áriptesine Oral qalasynda jezókshelikke salý maqsatynda 40 myń teńgege saýdalaǵan.
«Zardap shegýshi jezókshelik májbúrlikten bosatylyp, úıine qaıtaryldy. Atalǵan fakti boıynsha qylmystyq is qozǵaldy», - delingen vedomstvo aqparatynda.
