El aýmaǵynda 3 adam sýǵa ketip, mert boldy - TJM
ASTANA. 12 maýsym. QazAqparat - El aýmaǵynda 3 adam sýǵa ketip, mert boldy, dep habarlady QR TJM-niń baspasóz qyzmetinen.
Dúısenbi kúni, 11 maýsymda Jambyl oblysynyń Shahan aýylynda Talas ózenine sýǵa túsý kezinde 20 jasar jigit batyp ketti. Máıitti sýdan onyń týystary alyp shyqty.
Sol kúni Oral qalasynda Jaıyq ózeninde sýǵa túsýge belgilenbegen jerde shomylý barysynda 41 jastaǵy er adam batyp ketti. QR TMJ Batys Qazaqstan oblysy TJD sýdan-qutqarý qyzmetiniń 4 adamy men 1 tehnıkasynyń kómegimen onyń denesi jaǵaǵa shyǵaryldy.
Dúısenbi kúni Petropavl qalasynda Esil ózeni arqyly kólik kópiriniń aýdanynda 35 jastaǵy er adam sýǵa ketti. Onyń múrdesi jer betine QR TMJ Soltústik Qazaqstan oblysy TJD sýdan qutqarý qyzmetiniń (4 adam men 1 tehnıka) kúshimen shyǵaryldy.
