El aýmaǵyndaǵy 7 orman órtke orandy
ASTANA. KAZINFORM — 2026 jylǵy 14 shildede elimizdiń memlekettik orman qory aýmaǵynda 7 orman órti tirkeldi, dep habarlaıdy Orman sharýashylyǵy jáne janýarlar dúnıesi komıtetiniń baspasóz qyzmeti.
Óńirler boıynsha:
• Aqmola oblysy – 1 órt;
• Batys Qazaqstan oblysy – 2 órt;
• Abaı oblysy – 1 órt;
• Qostanaı oblysy – 2 órt;
• Pavlodar oblysy – 1 órt.
Órt oshaqtary «Qazavıaormanqorǵaý» RMQK-nyń áýe patrýldeýi, erte anyqtaý júıeleri jáne memlekettik orman kúzetiniń turaqty baqylaýy barysynda der kezinde anyqtaldy.
Órtti sóndirý jumystaryna memlekettik orman kúzetiniń qyzmetkerleri, «Qazavıaormanqorǵaý» RMQK-nyń áýe órt sóndirý desanttary, tikushaqtary, arnaıy tehnıkalary, sondaı-aq ózara is-qımyl aıasynda basqa da kúshter men quraldar jumyldyryldy.
— Jedel ári úılesimdi is-qımyldyń nátıjesinde órtterdiń eldi mekender men orman alqaptaryna taralýyna jol berilmeı, olardy oqshaýlaý jáne tolyq sóndirý jumystary jalǵasyp jatyr. Jaǵdaı turaqty baqylaýda. Respýblıka aýmaǵynda aptap ystyq pen naızaǵaıly fronttardyń saqtalýyna baılanysty azamattardy, tabıǵat aıasynda demalýshylardy jáne orman paıdalanýshylardy órt qaýipsizdigi talaptaryn qatań saqtaýǵa shaqyramyz, — delingen habarlamada.
Buǵan deıin Katonqaraǵaı ulttyq parkinde shyqqan órt aýyzdyqtalǵany anyqtaldy.
