El aýmaǵynda jel kúsheıip, ońtústik óńirlerde shańdy daýyl turady - Qazgıdromet

ASTANA. KAZINFORM — «Qazgıdromet» RMK el aýmaǵynda 28 mamyrda bolatyn qaýipti meteorologııalyq qubylystarǵa boljam jasady.

Derekke qaraǵanda, tsıklon jáne onymen baılanysty atmosferalyq frontaldy bólimder Qazaqstannyń shyǵys bóligine áserin saqtaıdy, naızaǵaı oınap, jańbyr jaýady. QR qalǵan aýmaǵynda antıtsıklon sileminiń áserinen jaýyn-shashynsyz aýa raıy kútiledi.

Respýblıka boıynsha jel kúsheıip, ońtústiginde shańdy daýyl turady, soltústiginde, shyǵysynda túngi jáne tańerteńgi saǵattarda tuman túsedi.

- Túnde Abaı oblysynyń ońtústiginde, shyǵysynda, Shyǵys Qazaqstan oblysynyń soltústiginde, shyǵysynda 2-3 gradýs úsik júredi, - dep jazdy sınoptıkter.

Jetisý oblystyń shyǵysynda, ortalyǵynda, Qyzylorda oblysynyń soltústiginde, Mańǵystaý oblysynyń batysynda, Aqtóbe oblysynyń batysynda, soltústiginde, ońtústiginde, Pavlodar oblysynyń shyǵysynda, ortalyǵynda, Jambyl oblysynyń soltústiginde, ońtústiginde, Batys Qazaqstan oblysynyń ońtústiginde, shyǵysynda, Atyraý oblysynyń soltústiginde, shyǵysynda, Túrkistan oblysynyń ońtústiginde, Almaty oblysynyń ortalyǵynda joǵary órt qaýpi kútiledi.

Qyzylorda oblysynda Túrkistan oblysynyń soltústiginde, shóldi, taý bókterindegi aýdandarynda, Jambyl oblysynyń batysynda, shyǵysynda, Aqtóbe oblysynyń ońtústik-shyǵysynda, Atyraý oblysynyń ońtústiginde, batysynda, Almaty oblysynyń batysynda, soltústiginde, Qostanaı, Abaı, Ulytaý oblystarynyń ońtústiginde, Pavlodar oblysy men Jetisý oblysynyń ońtústik-shyǵysynda tótenshe órt qaýpi bar.

Aıta keteıik, ǵalamdyq jylyný áıelder arasynda qaterli isik jaǵdaılaryn kóbeıtti.