El aýmaǵynda sý tasqynymen kúresý úshin 360 arnaıy tehnıka daıyndaldy

ASTANA. KAZINFORM – «Qazsýshar» kásipornynyń oblystyq fılıaldary sý tasqynymen kúresý úshin 360 arnaıy tehnıka daıyndap qoıdy. Sý resýrstary jáne ırrıgatsııa mınıstrliginde sý tasqynyna qarsy is-sharalardy úılestirý jónindegi jedel shtab otyrysy ótti.

Budan bólek, 32,7 myń tonnadan astam ınertti materıal daıyndaldy jáne gıdrotehnıkalyq nysandardyń 200 shaqyrymnan astam kirme joldary qardan tazartyldy.

Mınıstrlik «Qazsýshar» fılıaldarynyń materıaldyq-tehnıkalyq bazasyn jaqsartý úshin Úkimettiń qoldaýymen 757 birlik arnaıy tehnıka men kólik satyp alýdy bastady. Búgingi tańda kásiporyn fılıaldaryna 200-den astam arnaıy tehnıka jetkizildi.

«Arnaıy tehnıka jáne ınertti materıaldar qory tótenshe oqıǵa týyndaǵan jaǵdaıda qajet. Barlyq sý sharýashylyǵy nysandarynda «Qazsýshar» mamandary táýlik boıy kezekshilik júrgizedi jáne sý qoımalary men ózenderdegi sý deńgeıin baqylap otyr. Sonymen qatar, kásiporyn qyzmetkerleri elimizdiń birqatar oblystarynda 1147 shaqyrym kanaldy mehanıkalyq tazalap, 230 gıdrotehnıkalyq qurylysty jóndedi», - dedi Sý resýrstary jáne ırrıgatsııa vıtse-mınıstri Erbolat Ibraıhanov.

Aıta keteıik, Aqtóbe oblysynda sý tasqynyna qarsy jumystar júrgizilip jatyr.