El aýmaǵynda otyrǵyzylǵan aǵashtyń 60 paıyzy jersinedi

ASTANA. KAZINFORM — Elimizde jyl saıyn kóktemde aǵash otyrǵyzý naýqany ótedi. Mınıstrlik pen jergilikti atqarýshy organdardyń júzdegen, myńdaǵan túp kóshet otyrǵyzyldy dep esep beretini taǵy bar.

«Jyl saıyn kúzde orman qory boıynsha esep júredi. Qazirgi málimetke sáıkes, kóshetterdiń 60%-dan astamy jersinedi. Otyrǵyzylǵan aǵash kóshetteriniń jersinýi aýa raıyna da baılanysty, keıde jersinbeıdi. Ár óńirde jergilikti ınspektsııa bar, olar bizge nátıjesin berip otyrady», — deıdi orman sharýashylyǵy jáne janýarlar dúnıesi komıtetiniń tóraǵasy Danııar Turǵambaev OKQ-de ótken baspasóz máslıhatynda. 

Sondaı-aq, mınıstrlik ókili orman órtiniń aldyn alý maqsatynda tilsiz jaýdy erte anyqtaý júıesin ornatý maqsaty turǵanyn aıtty. 

Eske sala ketsek, Prezıdent Qasym-Jomart Toqaev 2020 jylǵy Qazaqstan halqyna Joldaýynda 5 jylda 2 mlrd túp aǵash otyrǵyzý týraly tapsyrma bergen bolatyn. 

«Búginde Memleket basshysynyń tapsyrmasy aıasynda 975 mln túp aǵash otyrǵyzyldy», — deıdi Danııar Turǵambaev.