El aýmaǵynda qustardyń ushaqtarmen soqtyǵysýy derekteri nege kóbeıdi
ASTANA. KAZINFORM — «Qazaqstannyń avıatsııalyq ákimshiliginiń» bas atqarýshy dırektory Maıkl Denıel el aýmaǵyndaǵy áýejaılardyń jumysyna kedergi keltirip otyrǵan nysandardy atady.
— Atyraý, Semeı, Óskemen, Kókshetaý, Balqash, Úrjar áýejaılarynyń mańynda ornalasqan qoqys polıgondary ushaqtarǵa qustardyń soqtyǵysý qaýpin arttyryp, áýe kompanııalarynyń jumysyna kedergi keltiredi. 2025 jyly qustardyń ushaqtarmen soqtyǵysýynyń 280 deregi tirkeldi, al bıylǵy birinshi toqsanda osyndaı 33 jaǵdaı boldy, — dedi Maıkl Denıel Úkimet otyrysynda.
Sonymen qatar ol túrli kedergilerdiń kóbeıýi jáne áýejaılar mańyndaǵy jerlerdi maqsatsyz paıdalaný máselesine toqtaldy. Almaty áýejaıynyń aerodrom aımaǵynda 160-qa jýyq jáne Shymkent áýejaıy mańyndaǵy 150-den astam kedergi anyqtaldy.
— Osy máselelerdi sheshý úshin «Qazaqstannyń avıatsııalyq ákimshiligi» aerodrom mańyndaǵy aýmaqtardy tıisti aımaqtarǵa bólý shemalaryn ázirledi jáne olardy jergilikti ákimshilikterge usyndy. Alaıda, kóp jaǵdaıda bul aımaqtarǵa bólý shemalary eldi mekenderdi damytýdyń bas josparlaryna áli de engizilmegen. Atap aıtqanda, jergilikti atqarýshy organdarymen ózara is-qımyldy kúsheıtý qajet, — dedi Maıkl Denıel.
Buǵan deıin qazaqstandyq áýe kompanııalaryna Taıaý Shyǵystaǵy jaǵdaı qalaı áser etip jatqanyn jazǵan edik.
2025 jyly qazaqstandyq áýe kompanııalar 15 mln jolaýshy tasymaldady. Bıylǵy alǵashqy 4 aıda jolaýshylar sany 4 mln-nan asty.
