El aýmaǵynda 13 orman órti tirkeldi
ASTANA. KAZINFORM — 3 tamyzda elimizdiń memlekettik orman qory aýmaǵynda 13 orman órti tirkeldi.
Óńirler boıynsha:
* Shyǵys Qazaqstan oblysynda – 2 órt;
* Qaraǵandy oblysynda – 1 órt;
* «Marqakól» MTQ – 1 órt;
* «Qorǵaljyn» MTQ – 1 órt;
* «Baıanaýyl» MUTP – 1 órt;
* «Qarqaraly» MUTP – 2 órt;
* «Ertis ormany» MOTR – 2 órt;
* «Semeı ormany» MOTR – 2 órt;
* «Jasyl aımaq» RMK – 1 órt.
Órt oshaqtary RMQK «Qazavıaormanqorǵaý» kásipornynyń áýe patrýldeýi jáne orman órtterin erte anyqtaý júıesi arqyly der kezinde anyqtaldy. Órt týraly habarlama túsken sátten bastap orman mekemeleriniń kúshteri men quraldary jedel túrde oqıǵa ornyna jiberildi.
Órtti sóndirýge RMQK «Qazavıaormanqorǵaý» kásipornynyń Mı-8 tikushaǵy sý tógý qurylǵysymen (VSÝ), áýe órt sóndirý qyzmeti, sondaı-aq memlekettik orman kúzetiniń kúshteri men quraldary jumyldyryldy. Qazirgi sátte birqatar óńirde órtti tolyq sóndirý jumystary jalǵasyp jatyr.
Elimizde aptap ystyq pen naızaǵaıly fronttardyń saqtalýyna baılanysty órt qaýpi joǵary deńgeıde qalyp otyr. Osyǵan baılanysty memlekettik orman kúzeti men RMQK «Qazavıaormanqorǵaý» kúshteri kúsheıtilgen rejımde jumys isteýde. Áýe jáne jerústi patrýldeý jumystary úzdiksiz júrgizilip jatyr.
Aıta ketelik apta ishinde 30 orman órti tirkelgen edi.
