El aýmaǵynan aǵash materıaldarynyń jekelegen túrlerin áketýge tyıym salynady
ASTANA. KAZINFORM – El aýmaǵynan aǵash materıaldarynyń jekelegen túrlerin áketýge 6 aıǵa tyıym salynady. Tyıym salý Ónerkásip jáne qurylys mınıstriniń buıryq jobasynda kózdelgen.
- Osy buıryqpen EAEO SEQ TN 4406910000 «Temirjol nemese tramvaı joldaryna arnalǵan qylqan japyraqty tuqymdardan jasalǵan aǵash shpaldar, ózgeler» kodyn jáne shyqqan eli Qazaqstan Respýblıkasy sanalatyn EAEO SEQ TN 4401310000 «Aǵash túıirshekteri» kodyn qospaǵanda, shyǵarylǵan eline qaramastan, Qazaqstan Respýblıkasynyń aýmaǵynan aǵash materıaldarynyń jekelegen túrlerin (Eýrazııalyq ekonomıkalyq odaqtyń Syrtqy ekonomıkalyq qyzmetiniń taýar nomenklatýrasynyń kody 4401, 4403, 4404, 4406 jáne 4407) alty aı merzimge kóliktiń barlyq túrimen áketýge tyıym salý engiziledi, – delingen qujatta.
Otandyq aǵash óńdeý ónerkásibin damytý maqsatynda ázirlengen buıryq jobasy 19 qarashaǵa deıin qoǵamdyq talqylaýǵa shyǵarylyp otyr.
Buǵan deıin 2022 jyldyń jeltoqsanynda elden aǵash materıaldarynyń keıbir túrlerin áketýge tyıym salynǵan edi.