Aýyl sharýashylyǵy mınıstrligi zalaldanǵan astyqtyń 128 tonnasyn keri qaıtardy
ASTANA. KAZINFORM - QR Aýyl sharýashylyǵy mınıstrligi agroónerkásip kesheni memlekettik ınspektsııa komıteti aýmaqtyq ınspektsııalarynyń ósimdikter karantıni jónindegi memlekettik ınspektorlary fıtosanıtarııalyq baqylaý júrgizý barysynda elimizge zalaldanǵan iri kólemdegi karantındik ónimderdi ákelý áreketiniń jolyn kesti.
QR Aýyl sharýashylyǵy mınıstrligi baspasóz qyzmetiniń habarlaýynsha, Aqtóbe, Batys Qazaqstan jáne Qostanaı oblystarynda Reseıden karantındik jáne fıtosanıtarııalyq qaýipsizdik talaptaryn saqtamaǵan 200 tonnadan astam azyq-túlik astyǵy — bıdaı men arpa anyqtaldy.
Importtalǵan ónimderden qaýipti karantındik nysandar, atap aıtqanda úsh tilimdi oıranshóp, jataǵan kekire (qyzǵylt) jáne aramsoıaý anyqtaldy.
Inspektorlar jedel sharalardyń arqasynda júktiń 128 tonnadan astam bóligi eksporttaýshy elge keri qaıtaryldy.
Ónim ıelerine ákimshilik hattamalar toltyryldy.
Іs materıaldary qoldanystaǵy QR zańnamasyna sáıkes kináli tulǵalardy jaýapqa tartý úshin sot organdaryna joldandy.
Mınıstrlik elimizdiń fıtosanıtarııalyq qaýipsizdigin qamtamasyz etý jáne aýyl sharýashylyǵy men Qazaqstan ekojúıesine qaýip tóndiretin ónimderdiń ákelinýine jol bermeý baǵytyndaǵy júıeli jumystardy jalǵastyryp jatyr.
Osyǵan deıin elge zańsyz ákelingen karantındik ónimderdiń joly kesilgeni týraly jazdyq.
