El astanasy Túrkistanǵa kóshýi múmkin be – Nazarbaevtyń jaýaby

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev «Qazaqstan» telearnasyna bergen suhbatynda «El astanasynyń Túrkistanǵa kóshýi múmkin be?» degen suraqqa jaýap berdi, dep habarlaıdy QazAqparat tilshisi.

«Ondaı áńgimelerdiń negizi joq. Biraq aıtýdyń jóni bar ǵoı. Túrkistan ásirese sol jaqta turatyn, Túrkistannyń jaǵdaıyn biletin adamdar solaı dep oılaıtyn shyǵar. Tarıhy tereń, árıne. Qoja Ahmet ıAssaýı osynda kelip, musylmandyqty ýaǵyzdaǵan. Bul túrki dúnıesiniń musylman bolýyna yqpal etti. Sondyqtan olar syılaıdy, jaqsy kóredi. Ásirese Túrkııadan barlyǵy kelgisi keledi, kórgisi keledi. Solaı bolǵannan keıin, el astanasy bolsa degen oılar bar shyǵar. Biraq qazirgi astanamyzdy ári qaraı ulǵaıtamyz. 200 myńdaı halqy bar burynǵy Aqmola 1 mln 200 myń halqy bar shahar boldy. Nur-Sultan degen at boldy. Men ózim muny usynǵam joq, biraq qarsy da bolǵanym joq. Sebebi, astananyń árbir tasy meniń nusqaýymmen, árbir ǵımarat meniń qatysýymmen salyndy. Sondyqtan ózimizdiń Nur-Sultan qalasyn damytamyz», - dep jaýap berdi Elbasy.

Aıta keteıik, «Túrkistan: kóne men keleshek kópiri» derekti fılmi N.Nazarbaevtyń «Qazaqstan» respýblıkalyq teleradıokorporatsııasynyń Basqarma tóraıymy, jýrnalıst Lázzat Tanysbaıǵa bergen suhbaty negizinde ázirlendi.

Derekti týyndy «Qazaqstan» telernasynan búgin 20:00-de efırge shyqty.