El áskeriniń jaýyngerlik daıyndyǵy pysyqtalady
Memleket basshysy Qasym-Jomart Toqaevtyń áskerdiń jaýyngerlik daıyndyǵyn túbegeıli nyǵaıtý jónindegi mindetterin iske asyrý sheńberinde bul shara bıyl jańa pishinde ótkizilip jatyr.
Bas shtabtyń josparyna sáıkes, quramalar men áskerı bólimder oqý dabylymen kóteriledi. Turaqty ornalasý pýnktterinen shyǵyp, jaýyngerlik tehnıkamen oqý-jaýyngerlik tapsyrmalardy oryndaý úshin oqý-jattyǵý polıgondaryna marsh jasaıdy.
Áskerı tehnıka avtokólik joldarymen jáne arnaıy jabdyqtalǵan lektermen qozǵalady. Birqatar áskerı bólimder temirjol kóligimen jyljymaly quram platformalaryn paıdalana otyryp, belgilengen jerlerge jetkiziledi.
Polıgondarda taktıkalyq, onyń ishinde túngi jaǵdaıda da oqý-jattyǵýlar men atystar ótedi.
Áskerlerdi baqylaýdyń bul túri áskerı bólimderdiń jaýyngerlik daıarlyǵyn, olardyń alys qashyqtyqqa jetý qabiletin, tehnıka men qarý-jaraqtyń, jeke quramnyń daıyndyǵyn, sondaı-aq komandırlerdiń urys kezinde bólimshelerdi basqarý qabiletin jan-jaqty baǵalaýǵa múmkindik beredi.
QR Qarýly kúshterindegi áskerlerdi baqylaý tekserisi 4 sáýirde bastaldy. QR Qorǵanys mınıstrligi vedomstvonyń resýrstarynda jarııalanatyn resmı aqparattarǵa ǵana senýdi suraıdy.
