«El arnanyń» tyńnan týǵan jańa jobasy: Fobııa
ASTANA. 1 aqpan. QazAqparat - Qazaq sport jáne estrada juldyzdary men saıasatkerleri boıyndaǵy qorqynyshty jeńip, jan túrshiktirer, ekstremaldi tapsyrmalardy oryndaıdy.
1 aqpannan bastap, saǵat 21.40-ta «El Arna» telearnasynan «Fobııa» jańa realıtı-shoýy óz kórsetilimin bastaıdy!
«Fobııa» jańa jobasynda shynaıy, jarqyn emotsııalar jáne de tarakan, tyshqan, jylan qosylǵan dámtatymdar men kóptegen tosyn syılar daıyndalýda. «Fobııa» - bul qorqynysh aldyndaǵy óz-ózin jeńý men óz úreıinen ústep bolý, joba sońyndaǵy jeńimpaz syılyǵy - shetelge joldama!
Otyz qatysýshy, olardyń ishinde teatr jáne kıno aktrısasy Merýert Túsipbaeva, akter jáne telejúrgizýshi Dásten Shákirov, tanymal ánshi Іnjý, «Melomen» tobynyń ánshisi Jiger Aýypbaevtardy eki qaterge toly ári jıirkenishti synaqtar kútip tur. Synnan óte almaǵan jaǵdaıda qatysýshy oıynnan shyǵady, al qalǵan oıynshylar kelesi odan da úreıli, qaterli jańa aınalymda synalady..
Óz qorqynyshyn jeńe almaǵan qatysýshy oıynnan shyǵarylady. Al eger qolynan kelse, ol jańa aınalymda jańa kútpegen, tosyn syndarǵa kezigedi.
«Bul jobany júrgizý týraly usynysty estisimen óz kelisimimdi berdim - deıdi «Fobııa» realıtı-shoýynyń júrgizýshisi Ilham Ibragımov. - Ókinbeımin. Basynda, arıne, qoryqtym. Bir kúni qolyma jylandy ustatty... Sol kezdegi qoryqqan sezimimdi sózben aıtyp jetkizý múmkin emes. Men bul ýaqytqa deıin qorqynysh pen jıirkenýdi qatar sezip kórmegen edim. Keıinnen sol jylan meniń túsime de kirdi. Joba, rasynda, óte qyzyqty, oǵan jaqyn arada ózderińizdiń de kózderińiz jetedi!»
Shoý urany - «árkim ózi úshin» jáne bul kóptegen qıyndyqtar týdyrdy, sebebi qatysýshy ózinen basqa eshkimge arqa súıeı almaıdy. Qatysýǵa kelisimderin bergen tusta shoý-bıznes, saıasat jáne sport juldyzdary aldarynda qandaı syndar daıyndalyp jatqandyǵynan beıhabar boldy.
«Fobııa» - eshkimdi beı-jaı qaldyrmaıtyn 100% adrenalınge toly! Shoý «El Arna» telearnasynan ár juma saıyn saǵat 21.40-ta kórsetiletin bolady. Qaıtalaýy senbi kúni, saǵat 19.00-de!
