«El arnadaǵy» «Saz álemi» mýzykalyq jobasynda elimizdiń úzdik ánshisi anyqtalady
ASTANA. 27 qarasha. QazAqparat - Qazylar alqasy men kórermenderdiń nazaryna tyńdarman arasynda keń taraǵan, ǵalamtordan kóp júktelgen ánder usynylady. Shart boıynsha ónerpaz ándi fonogrammasyz, jandy daýysta oryndaýy qajet. Qazylar alqasy bura tartpaı án men ánshige ádil baǵasyn berýge tyrysady. Sondaı-aq, qazylardyń opponentteri de bar. Sarapshylardyń mindeti múmkindiginshe ánshini qorǵap qalý. Biraq kóp jaǵdaıda olaı bola bermeıdi.
«Bıyl biz baıqaýǵa jańa eki nomınatsııa qostyq. Olar: «Toı» jáne «Retro» atalymdary. Bıylǵy jobanyń jańalyǵy sol, - deıdi «Saz álemi» baıqaýynyń mýzykalyq prodıýseri Baǵym Muhıtdenova. - Aldyńǵy jobalarda retro jáne halyq ánderimen qosa jańa avtorlyq ánder de birdeı saıysqa túsken bolatyn. ıAǵnı, biz hıt ánderdi bólgen joqpyz. Bıyl jańa ınterpretatsııada kórinis tapqan retro jáne halyq ánderi «Retro» nomınatsııasyna, al toıda oryndalatyn ánder, toıdyń hıtteri «Toı» nomınatsııasyna kiredi. Máselen, «Qyzyl órik» áni qazir hıt bolyp tur. Ol ánsiz qazir birde-bir qazaq toı ótkizbeıdi. Biraq, mundaı ánder ulttyq hıt bola almaıdy ǵoı. Bizde toı mádenıeti degen bar. Ony joqqa shyǵara almaımyz. Sondyqtan, bul ánderge jeke nomınatsııa arnaýdy jón kórdik».
Baǵym Muhıtdenova, Altynaı Jorabaeva, Aıgúl Imanbaeva, Almas Kishkenbaev, Maıra Іlııasova, Talant Arynǵalı, Janar Aıjanova, Sáken Maıǵazıev, Alýa Qunarova - qazylar alqasynyń quramy osyndaı.
Ulttyq mýzykalyq baıqaýdyń maqsaty - jyl qorytyndysy boıynsha eń úzdik ándi anyqtaý. Joba bastalǵaly 6 baǵdarlama efırden ótip, 49 ánniń ishinen «Jyldyń úzdik áni» atanady-aý degen ánder men «Jyl jańalyǵy» ataǵyna úmitker ónerpazdar iriktelinip úlgerdi. Aldaǵy baǵdarlamalarda ónerpazdar «Úzdik toı áni», «Retro», «Eń úzdik ánshi», «Úzdik top» nomınatsııalary boıynsha ózara saıysqa túsedi.
Ótken jeksenbi, 24 qarasha kúni ótken "Jyl jańalyǵy" nomınatsııasynyń úmitkerleri:
1.Juniors toby - 15
2.Sara Amangeldi - 17
3. Adam - 16
4. "Dostar" toby - 12
5. "Saryn" dýeti - 14
6. Serik Ibragımov - 11
7.Parasat Ybyraev - 13
Kelesi jeksenbi, 1 jeltoqsan kúni «Eń úzdik ánshi» (jigitter men qyzdar arasynda) nomınatsııasyna úmitkerler:
Erke Esmahan
Saltanat Baqaeva
Aınur Eshmanova
Lýına
Álı Oqapov
Jiger Aýypbaev
Aıqyn Tólepbergen
Telekórermender "Saz álemi" jobasynyń qatysýshylary úshin uıaly baılanyspen 7045 nómirine telefon shalý arqyly daýys bere alady. Telefon shalý quny Kcell, Active, Beeline abonentteri úshin - 60 tenge. Daýystar aptanyń sońyna deıin qabyldanady.
