«El arna» telearnasy boks jáne fýtbol matchtaryn, sondaı-aq tennıs federatsııasy kýbogyn kórsetedi
ASTANA. 18 sáýir. QazAqparat - 20 sáýirde «El arna» telearnasy kóptegen sporttyq oqıǵalardy - «Astana Arlans" boks matchyn, tennısten federatsııa kýbogyn jáne fýtboldan Qazaqstan chempıonatyn efırge usynady.
Bul týraly «Habar» agenttiginiń baspasóz qyzmeti habarlady.
«El arna» telearnasy 20 sáýirde qazaqstandyq jankúıerler úshin arnaıy, qazaqstandyqtardyń qatysýymen bolatyn birqatar sporttyq oıyndardy kórsetedi. Bular - Almatydan bokstyń Búklálemdik serııasyndaǵy «Astana Arlans» - «Mexico Guerreros» jartylaı fınaly, fýtboldan Qazaqstan chempıonatynyń «Astana-Aqtóbe» matchy jáne Frantsııadan tennısten federatsııa kýbogy.
«Aldaǵy demalys kúnderi «El arna» telearnasynyń jankúıerleri úshin sporttyq oqıǵalary toly bolmaq, - dep bólisti «Habar» agenttigi» AQ sporttyq translıatsııalar prodıýseri Asqat Jaqaev. - Kópshiligi «Astana Arlans» boksshylarynyń meksıkalyq komandaǵa qarsy jartylaı fınaldyq qarymta matchyn asyǵa kútýde, «Astana -Aqtóbe» fýtbol matchy jekpe-jegi de qyzyqty bolmaq, sosyn árıne, aıryqsha atap ótetin saıys - úlken tennıs. Biz frantsýzdyń Bezansone qalasynan bizdiń tennısshi qyzdarymyzdyń qatysýymen ótetin federatsııa kýbogyn kórsetpekpiz. Alǵashqy kúni eki jekeleı jekpe-jek jazylyp alynǵan túrinde kórsetiledi, al jeksenbi kúni bizdiń otandastarymyzǵa tikeleı efırde jankúıer bolýdy usynamyz».
Eske sala keteıik, 20-21 sáýirde tennısten Qazaqstannyń áıelder quramasy (Galına Voskoboeva, ıAroslava Shvedova, Ksenııa Pervak, Sesıl Karatancheva) Federatsııa kýbogy aýqymynda Frantsııa komandasymen match ótkizedi. Komandalar ekinshi álemdik topta oınaý quqyǵyn jeńip alý úshin saıysqa túsedi.
Sporttyq translıatsııalardyń tolyǵyraq kestesin «El arna» telearnasynyń resmı saıtynan tabýǵa bolady.
