«El arna» telearnasy 27 jáne 28 shilde kúnderi Astanadaǵy tennısten Prezıdent Kýbogynyń fınalyn tikeleı efırde kórsetedi
ASTANA. 26 shilde. QazAqparat - Aldaǵy demalys kúnderi, 27 jáne 28 shildede saǵat 11.55-te «El arna» telearnasy erler úshin Challenger ATP jáne áıelder úshin ITF serııasyndaǵy tennısten Prezıdent Kýbogy halyqaralyq týrnıriniń fınaldaryn tikeleı efırde kórsetedi.
«Elarna» telearnasy «Habar» agenttiginiń quramyna kiredi jáne dástúr boıynsha sporttyq baǵdarlamalarǵa eleýli kóńil bóledi. Sporttyq translıatsııa prodıýseri Asqat Jaqaevtyń aıtýynsha, ulttyq quramanyń tennıs machtary qazaqstandyq telekórermender úshin óte qyzyqty.
Bul kúnderi Astanada elordanyń Ulttyq tennıs ortalyǵynyń ashyq korttarynda negizgi jeke matchtar men juptasqan oıyndar ótýde. Týrnırge álemniń 25 elinen tenısshiler qatysýda, olardyń arasynda Reseı, Izraıl, Ýkraına, Portýgalııa, Taıland, Túrkııa jáne Qazaqstan sportshylary bar. Týrnırdiń jalpy júlde qory 225 myń dollardy quraıdy.
Tikeleı TV-translıatsııalar kestesi
27 shilde, senbi, 11.55, «El arna» telearnasy
Juptasqan oıyndar (fınal - erler)
Juptasqan oıyndar (fınal - áıelder)
Negizgi jekeleı matchtar (jartylaı fınal - erler)
Negizgi jekeleı matchtar (jartylaı fınal - áıelder)
28 shilde, jeksenbi, 11.55, «El arna» telearnasy
Negizgi jekeleı matchtar fınal - áıelder)
Negizgi jekeleı matchtar (fınal - erler)
