«El arna» «Ásel jáne onyń dostary» degen jańa jastar teleserıalyn usynady
ASTANA. 18 jeltoqsan. QazAqparat /Gúlnár Jandaǵulova/ - «El arna» telearnasynyń efırinde dúısenbiden bastap jańa joba - «Ásel jáne onyń dostary» atty jastar telehıkaıasy bastalady,
dep habarlady «Habar» telearnasynyń baspasóz qyzmetinen.
Serıal Qazaqstannyń qazirgi jastarynyń problemalary týraly baıandaıdy. Fılmniń sıýjeti ýnıversıtettiń ekinshi kýrs stýdenti Ásel degen boıjetken men onyń dostarynyń tóńireginde órbıdi. Olar birge oqıdy, kórshi jataqhanalarda turady.
Jobany ákeli-balaly Qarpyqovtar júzege asyryp otyr. Qazaqstandyq tanymal rejısser Abaı Qarpyqov serıaldyń bas prodıýsseri bolsa, onyń uly Almerı Qarpyqov - kreatıvtik prodıýsser. Serıaldyń birinshi maýsymy 80 epızodtan turady.
