El aqyndary men sazgerleri Astana jaıly 25 án usyndy
ASTANA. QazAqparat - Qazaqstannyń ár aımaǵyndaǵy aqyndary men sazgerleri Astana jaıly 25 án usyndy, dep habarlaıdy Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtaby.
«Án júregim - Astana!» jas oryndaýshylar arasyndaǵy án baıqaýy uıymdastyrýshylarynyń aıtýynsha, bul tek bastamasy ǵana. Baıqaýǵa ótinimder 20 maýsymǵa deıin qabyldanady. Osymen tórt jyl qatarynan ótkizilip kele jatqan baıqaý qorjynyna Qazaqstan Astanasy týraly 100-den asa jańa ánder jınaqtalǵan. «Án jýregim - Astana!» baıqaýy jas astana týraly avtorlardyń úzdik ánderin qoldaý men dáripteýge baǵyttalǵan. Rasymen de, kórki kóz súısindirgen arý qala talaı aqyn-sazgerlerdiń shyǵarmalaryna arqaý bolǵany sózsiz. Astana jaıly jazylǵan jańa ánderdiń ózeginde otbasyna, jańa múmkindikter ashqan súıikti qala men Otanǵa degen súıispenshilik jatyr. Uıymdastyrýshylardyń da kózdegeni osy, jastar júregine azamattyq-patrıottyq sezim uıalatý. Sonymen birge, bul baıqaý - talantty jastardyń óz ónerin keńinen pash etýge jasalǵan tamasha múmkindik. Baıqaýdyń bıylǵy taqyryby Qala kúniniń uranymen úndes. ıAǵnı aqyn-sazgerler «Meniń qalam - meniń taǵdyrym. Týǵan kúnińmen, Astana!» taqyrybyna án arnamaq. Atalmysh baıqaýdyń arnasy keń. Aǵymdaǵy jyly sharaǵa Qazaqstannyń 7 aımaǵynan ótinimder joldanǵan. Jeńimpazdardy quramy Qazaqstanǵa tanymal ártisterinen turatyn qazylar alqasy anyqtaıdy. Qatysýshylarǵa qoıylatyn basty talap - jasy 30-dan aspaýy jáne án baǵyty «Án júregim - Astana!» baıqaýynyń negizgi taqyrybynan aýytqymaýy tıis. «Án júregim - Astana!» án baıqaýynyń Gran-prı ıegeri uıymdastyrýshylarmen birlese respýblıkalyq telearnalar efırinen taratylatyn Astana týraly ánge beınebaıan túsirýge múmkindik alady. Al basqa qatysýshylar gala-kontsertte estelik dıplomdarymen jáne baǵaly syılyqtarmen marapattalady.
