Ekijaqty taýar aınalymynyń kólemin arttyramyz dep senemin - Andreı Babısh
ASTANA.KAZINFORM - Qasym-Jomart Toqaevpen keńeıtilgen quramda júrgizilgen kelissóz barysynda Chehııa Premer-mınıstri Andreı Babısh búgingi sapar ekijaqty qarym-qatynastyń jańa kezeńine jol ashatynyn aıtty, dep habarlaıdy Aqordanyń baspasóz qyzmeti.
– Biz Qazaqstandy strategııalyq seriktes sanaımyz. Birlesken kúsh-jigerdiń arqasynda ekijaqty taýar aınalymynyń kólemin arttyramyz dep senemin. Eń aldymen, energetıka salasyndaǵy yqpaldastyqty nyǵaıtqymyz keledi. Sizdiń elden uzaq merzimdi munaı tasymalyna múddelimiz. Energetıka salasyn damytý strategııamyz atom energııasyna arqa súıeıdi. Sondyqtan Qazaqstanǵa álemdegi ýran óndiretin iri memleket retinde de qyzyǵýshylyq tanytamyz, – dedi Chehııa Premer-mınıstri.
Cheh Úkimetiniń basshysy Qazaqstannyń energetıkalyq qaýipsizdigi qýat óndirýdiń ártaraptandyrylǵan tásiline negizdelgenine mán berdi.
Sondaı-aq ol cheh kompanııalarynyń atalǵan salada birlesken jobalardy júzege asyrýǵa daıyn ekenin rastady.
Andreı Babısh Qasym-Jomart Toqaevty jańa Konstıtýtsııa qabyldaý boıynsha referendýmnyń tabysty ótýimen quttyqtap, buǵan memlekettilikti nyǵaıtatyn jáne eldi jarqyn bolashaqqa jeteleıtin mańyzdy qadam retinde baǵa berdi.
Osyǵan deıin Toqaev Chehııanyń syndarly ári pragmatıkalyq syrtqy saıasatyna joǵary baǵa bergen bolatyn.
