Ekijaqty yntymaqtastyqty keńeıtýde Joǵary memleketaralyq keńes mańyzdy ról atqarady — Mırzıeev
TAShKENT. KAZINFORM — Ózbekstan Prezıdenti ekijaqty yntymaqtastyqty keńeıtýde Joǵary memleketaralyq keńes mańyzdy ról atqaratynyn jetkizdi. Bul týraly Aqordanyń baspasóz qyzmeti habarlady.
– Bizdiń qarym-qatynastarymyz strategııalyq seriktestik pen odaqtastyqtyń joǵary deńgeıine kóterildi. Onyń negizinde berik senim, baýyrlas halyqtarymyzdyń arasyndaǵy tatý kórshilik jáne shynaıy dostyq jatyr. Byltyr qurylǵan Joǵary memleketaralyq keńes ózektiligi men tıimdiligin kórsetti. Búgin ekinshi otyrysta biz ózara yqpaldastyqtyń jańa baǵyttaryn jáne zor áleýetimizdiń tyń múmkinderin tanytýdyń joldaryn jan-jaqty talqylaımyz. San qyrly seriktestigimizdi keńeıtýge aıtarlyqtaı serpin beretin sheshimder qabyldaımyz. Qazirgi almaǵaıyp kezeńde elderimizdiń jáne tutas aımaqtyń ekonomıkalyq konıýnktýrasyna oń áser etetin tyǵyz jáne proaktıvti yqpaldastyq erekshe mánge ıe, – dedi Shavkat Mırzıeev.
Aıta ketelik Memleket basshysy Ózbekstan Prezıdenti Shavkat Mırzıeevpen kelissóz júrgizgeni týraly jazǵan edik.