EQYU jer qoınaýyn paıdalanýshy kompanııalardyń ashyqtyǵy boıynsha Qazaqstan bastamasyn úlgi retinde paıdalanýyna bolady - H. Klınton
Búgin Astana Sammıtine qatysý úshin elimizde resmı saparmen kelgen AQSh Memlekettik hatshysy Hılları Klınton elordadaǵy Eýrazııa ulttyq ýnıversıtetinde stýdenttermen, jergilikti jáne halyqaralyq úkimettik emes uıym ókilderimen kezdesýi barysynda osyndaı pikir bildirdi.
«Paıdaly qazbalar óndiretin kompanııalardyń ashyqtyǵy týraly bastama - bul shyn máninde mańyzdy bastama. Mol paıdaly qazbalarǵa ıe kez kelgen memleket úshin negizgi úsh másele týraly aıtýǵa bolady. Bular: kommertsııalyq hám jeke sektor, buqaralyq sektor jáne azamattyq qoǵam. Bul úsheýin oryndyqtyń úsh aıaǵymen salystyrýǵa bolady. Eger onyń biri osal bolsa - qaýipti. Sondyqtan da, bundaı bastamanyń mańyzy zor», dedi H. Klınton.
«Men Qazaqstannyń qabyldaǵan bastamasyn joǵary baǵalaımyn. Bul rette EQYU-nyń bul bastamany úlgi retinde qarastyrýyna bolady dep esepteımin. Jalpy, EQYU-nyń adamı faktory mańyzdy ári uıym aıasynda ol qoldaý tabýy tıis», dedi H. Klınton.
