EQYU janynda ÚEU qatysýymen mıgranttar máseleleri jónindegi konsýltatıvtik-keńes organyn qurý qajet

ASTANA. 27 qarasha. QazAqparat /Marlan Jıembaı/ -EQYU janynda ÚEU qatysýymen mıgranttar máseleleri jónindegi konsýltatıvtik-keńes organyn qurý qajet. Bul usynysty búgin Elordada ótip jatqan EQYU Sammıti qarsańyndaǵy Sholý konferentsııasynyń «Mıgranttarǵa qatysty tózimsizdik» sessııasynda sóz alǵan «Areal» qoǵamdyq qorynyń ókili jasady.

«Elge kelgen azamattardyń qandaı da bir ekstremıstik dinı toptarǵa qatysy bar ekendigi anyqtalyp jatatyn derekter kezdesedi. Ony keri qaıtarý múmkin emes. Óıtkeni onyń otany azaptaýlarǵa qarsy konventsııaǵa qosylmaǵan. Elde qaldyrý da múmkin emes, ondaı adamdy qandaıda bir eýropalyq eldiń qabyldaýy da neǵaıbyl», - dedi ol.

Onyń atap ótýinshe, mıgranttardy meılinshe tıimdi ıntegratsııalaý úshin qabyldaıtyn elge olarǵa tilin, mádenıetin úıretý baǵytyndaǵy aýqymdy jumystar atqarýy qajet.

Bul oraıda qor ókili mıgranttar quqyǵyn qorǵaý jáne olardy ekstradıtsııalaý máselelerin sheshý úshin úkimettik emes uıymdardyń qatysýymen EQYU janynda mıgranttar máseleleri jónindegi konsýltatıvtik-keńes organyn qurý qajet dep sanaıdy. Onyń pikirinshe, bul organ Qazaqstanda jáne Eýropa elderinde qalyptasqan oń tájirıbeni taratýmen aınalysar edi.