EQYU Túrkııany Internet týraly zańdy qaıta qaraýǵa shaqyrýda
ASTANA. Qańtardyń 19-y. QazAqparat - Eýropadaǵy qaýipsizdik jáne yntymaqtastyq uıymynyń Buqaralyq aqparat quraldaryndaǵy bostandyq jónindegi ókili Mıklosh Harashtı dúısenbi kúni málimdeme jasap,
Túrkııa ókimetin Internetti paıdalaný jónindegi zańnamasyn EQYU aıasyndaǵy mindettemelerge sáıkestendirýge shaqyrdy.
EQYU ókiliniń derekteri boıynsha, Túrkııa balalar pornografııasymen kúresemiz degen syltaýmen 3,7 myńdaı Internet saıtqa shekteý qoıǵan, olardyń qatarynda YouTube, GeoCities jáne Google saıttary bar, dep habarlaıdy «RIA «Novostı» agenttigi.
«Túrkııadaǵy Internet týraly zań degen atpen tanymal 5651 zań qazirgi túrinde tek sóz bostandyǵyn ǵana buzyp otyrǵan joq, sonymen birge azamattardyń aqparatqa qoljetimdilik quqyqtaryn da shektep otyr», dep málim etti Harashtı.
