EQYU tóraǵasy bolyp otyrǵan Qazaqstan úshin ákimshilik ádilet máselesindegi úderis mańyzdy bolmaq

Búgin QR Parlamenti Senatynda «Qazaqstan Respýblıkasyndaǵy ákimshilik ádilettiń qalyptasý máselesi» atty taqyrypqa ótken halyqaralyq konferentsııa barysynda Palata Tóraǵasynyń orynbasary Muhambet Kópeev osylaı málim etti, dep habarlaıdy QazAqparat.

«Memleket pen azamattar arasyndaǵy jańa ózara qarym-qatynasy retindegi ákimshilik ádiletti qalyptastyrýda eń bastysy halyqaralyq tájirıbe zerdelenýi shart. Eskere ketetin jaıt, túrli elderdegi ákimshilik ádilet organdary, sondaı-aq ákimshilik sot sýdıalary halyqaralyq uıymdar sheńberinde tyǵyz yqpaldastyq baılanystar ornatqan. Al Qazaqstan úshin onyń EQYU sekildi belsendi uıymǵa tóraǵalyǵy kezeńinde bundaı úderis óte mańyzdy ózektilikke ıe bolyp tabylady. EQYU óńirlerinde quqyqtyń saltanat qurýyn qataıtýǵa biz asa mán berýimiz kerek. BUU júıesinde de sońǵy on jyldyqta ákimshilik sot quqyǵy júıesin odan saıyn jetildire túsýge baǵyttalǵan sharalar atqarylýda»,- dedi M. Kópeev.

Sonymen birge, senator kóptegen memleketterdiń tájirıbesi talqylanatyn jıynda ártúrli ózekti pikirler aıtylatynyna senim bildirip, bunyń ózi ákimshilik ádiletti jetildirýge qatysty syndarly usynymdar ázirleýge septigin tıgizetinin atap ótti. «Bundaı ǵalymdar men salanyń bilikti mamandary bas qosa ortaǵa salǵan usynymdary bizdiń odan keıingi zań shyǵarmashylyǵy úderisimizde qaperge alynatyn bolady», dedi ol.